|
मुंबई - हिंदी चित्रपटसृष्टीतील कलाकार तसेच तंत्रज्ञ यांचा यथोचित सन्मान करणारा प्रसिद्ध "झी सिने ऍवॉर्डस्' सोहळा सिंगापूरला होणार आहे. सिंगापूरच्या "मरिना बे सॅण्डस्'ला या सोहळ्याचे यजमानपद भूषविण्याची संधी मिळाली आहे. 14 जानेवारी 2011 रोजी हा सोहळा येथे होणार आहे. "झी एन्टरटेन्मेंट' आणि "मरिना बे सॅण्डस्' यांनी संयुक्तरीत्या ही जबाबदारी उचलली आहे. या पुरस्कार सोहळ्यामध्ये भारतीय चित्रपटसृष्टीतील शाहरूख खान, अक्षय कुमार, प्रियांका चोप्रा, अभिषेक बच्चन, ऐश्वर्या राय-बच्चन आदी रंगमंचावर अवतरणार असून त्या माध्यमातून एक नेत्रदीपक संगीत रजनी जगभरातील प्रेक्षकांना पाहायला मिळणार आहे. या सोहळ्यामध्ये नामांकने मिळालेल्या चित्रपटांमधील सर्वोत्तम कोरिओग्राफी असलेले नृत्याविष्कार पाहायला मिळणार आहेत. त्याशिवाय अन्य गाणी आणि विनोदाची रेलचेलही असणार आहे. याबाबत "झी सिनेमा'चे वरिष्ठ अधिकारी मोहन गोपीनाथ म्हणाले, ""या सोहळ्यात भारतातील बरेचसे कलाकार सहभागी होणार आहेत. मोठ्या थाटामाटात हा सोहळा आम्ही आयोजित केला आहे. सिंगापूरला हा सोहळा आयोजित केल्याचा आनंद होत आहे.
Wednesday, September 08, 2010 AT 09:30 AM (IST)
|