|
नागपूर - परीक्षेत कॉपी केली म्हणून शिक्षिकेने विद्यार्थ्याचे कान उपटले. त्याने केलेला प्रताप पालकांना सांगण्यात आला. त्यामुळे नववीतील या विद्यार्थ्याने शाळेच्या इमारतीवरून उडी घेऊन आत्महत्येचा प्रयत्न केला. त्याला तातडीने रुग्णालयात दाखल केल्याने त्याचे प्राण वाचले. शहरातील एका नामवंत शाळेत भरदुपारी घडलेल्या या प्रकाराने एकच खळबळ उडाली. परंतु, असा प्रकार झालाच नाही, असा दावा शाळेच्या मुख्याध्यापकांनी केला आहे. शंकरनगर चौकातील सरस्वती हायस्कूल येथे नववीच्या विद्यार्थ्यांची चाचणी परीक्षा घेण्यात येत होती. तेव्हा करण हा विज्ञान प्रथमचा पेपर सोडवीत असताना काहीतरी संशयास्पद हालचाली करताना शिक्षिकेला दिसला. त्यांनी करणची तपासणी केली. त्याच्याजवळ कागदाचे काही चिटोरे आढळून आले. त्यामुळे संतप्त झालेल्या शिक्षिकेने त्याला रागावले. नंतर त्याच्या पालकांना फोन करून शाळेत बोलावून घेतले. त्याचे पालक शाळेत आल्यावर शिक्षिकेने करणने केलेला प्रकार सांगितला. शाळा अतिशय प्रतिष्ठित आहे. त्यामुळे अशाप्रकारचे वर्तन करणाऱ्या विद्यार्थ्याला काढण्यात येते, असे शिक्षिकेने म्हटले.
Saturday, September 04, 2010 AT 09:30 AM (IST)
|