|
कुरखेडा - महाराष्ट्र रोजगार हमी योजनेंतर्गत मंजूर झालेली कामे गरजूंना मागणीनुसार उपलब्ध करून द्यावे असे निर्देश आमदार आनंदराव गेडाम यांनी दिले. स्थानिक तहसील कार्यालयात विभागप्रमुखांच्या आढावा बैठकीत ते बोलत होते.या बैठकीला पंचायत समितीचे सभापती प्रभाकर तुलावी, तालुका कॉंग्रेस अध्यक्ष व्यंकटी नागिलवार, वसंतराव मेश्राम, नवनाथ धाबेकर, तहसीलदार भारद्वाज, संवर्ग विकास अधिकारी बी. एम. नरोटे, पंचायत समिती सदस्य धरमदास उईके उपस्थित होते. श्री. गेडाम पुढे म्हणाले की, तालुक्यात मोठ्या प्रमाणात रोहयो कामांना मान्यता मिळून आवश्यक निधी उपलब्ध करून देण्यात आला आहे. मात्र, यापैकी काही कामे तांत्रिक अडचण आणि अधिकाऱ्यांच्या दिरंगाईमुळे अपूर्ण आहेत, तर काही सुरू होऊ शकली नाही. या कामांकडे अधिकाऱ्यांनी जातीने लक्ष पुरवून कामांना गती प्रदान करावी, योजनेंतर्गत मागणी करणाऱ्या प्रत्येक ग्रामीण मजुरांना रोजगार व क्षेत्राचा विकासासाठी अधिकारी व कर्मचाऱ्यांनी दक्ष राहावे असे आवाहन आमदार गेडाम यांनी केले.
Tuesday, September 07, 2010 AT 09:30 AM (IST)
|