|
'हे ड्यूडस्, कम ऑन...' असं म्हणत प्रियांका चोप्राचं आता छोट्या पडद्यावर आगमन होतंय. "फिअर फॅक्टर खतरों के खिलाडी एक्स 3' या "कलर्स' वाहिनीवरील "शो'मध्ये ती तेरा जणांना घाबरविणार आहे, थोडासा धीर देणार आहे आणि हसतखेळत हा "शो' पुढं नेणार आहे. या शोचं नाव ऐकल्यावर तुमच्या "मेमरी'त अक्षयकुमारचं नाव "क्लिक' होणं अगदी साहजिकच आहे. म्हणूनच त्याची जागा प्रियांका कशी घेतेय, याची तुम्हालाही उत्सुकता असेल. या "शो'च्या निमित्तानं प्रियांका चोप्राशी मारलेल्या या गप्पा... "फिअर फॅक्टर खतरों के खिलाडी एक्स 3' या "शो'च्या सूत्रसंचालनाची तयारी तू कशी केलीयस ? - मी प्रचंड आळशी मुलगी आहे, हे आधी कबूल करायला हवं. चित्रपटसृष्टीत पाऊल ठेवल्यापासून तुम्ही मला ओळखताय. माझी फिटनेस लेव्हल "ऍक्च्युली झिरो' आहे. खरं तर या "शो'चं सूत्रसंचालन मी करणार हे पक्कं ठरल्यानंतर मी आळशीपणा न करता "जिम'मध्ये जायला लागलेय त्याशिवाय माझ्या आगामी चित्रपटांचं शूटिंग हेही एक कारण आहे. मी शाहरूख खानसोबत "डॉन 2' करतेय आणि त्यात मला बरेचसे ऍक्शन सिक्वेन्सेस करायचेत. आणि हो, आणखी एक सांगायचं राहिलंच की...
Thursday, September 09, 2010 AT 03:04 AM (IST)
|